काठमाडौ माघ २९, प्रधानमन्त्री सुशील कोइरालाले प्रधानमन्त्री कार्यालय सिंहदरबारमा आज नागरिक समाजका अगुवासङगको भेटमा नयाँ संविधान जारी गर्नका लागि 
आफू जुनसुकै त्याग गर्न तयार रहेको बताउँदै सहमतिका लागि संवादको वातावरण तयार गर्ने आफुपूर्ण प्रतिबद्ध रहेको बताउँनभएको छ । भेटवार्ताको क्रममा नागरिक अगुवाहरुले प्रम कोईरालालाई वार्ता र संवादका लागि वातावरण बनाउन आग्रह गरेका थिए ।
यसैवीच आजै नागरिक अगुवाहरु क्रमस डा सुन्दरमणि दीक्षित, प्रा डा वीरेन्द्रप्रसाद मिश्र, पूर्व प्रमुख निर्वाचन आयुक्त भोजराज पोखरेल, चरण प्रसार्इंलगायत टोलीले एमाओवादीका अध्यक्ष पुष्पकमल दाहालको निवास लाजिम्पाट पुगेर वार्ता र संवाद सुरु गर्न आग्रह गर्नुभएको थियो । टोलीले सत्तारुढ र प्रतिपक्षी दलबीच विश्वासको सङ्कट बढ्दै गएको छ । प्रक्रियाका आधारमा नै संविधान लेखन प्रक्रियालाई अगाडि बढाउने तयारी एवम् प्रतिपक्षी दलको आन्दोलनको कारण सहमति हुन नसक्दा राजनीतिक अन्योल बढ्दै गएको भन्दै तत्काल संवाद सहमति र सहकार्यलाई आत्मासात गर्न आग्रह गर्नुभएको थियो ।
