काठमाडौ फागुन ६ , ६५औँ राष्ट्रिय प्रजातन्त्र दिवस मूल समारोह समितिले राष्ट्रिय प्रजातन्त्र दिवसलाई भव्य रुपमा मनाउन समितिका सदस्य, संवैधानिक निकायका 
पदाधिकारी, राजनीतिक दलका नेता तथा कार्यकर्ता, सरकारका निजामती, प्रहरी, जङ्गी तथा संस्थानका कर्मचारीलाई फागुन ७ गते नेपाली सैनिक मञ्चमा हुने कार्यक्रममा सहभागी भई सो दिन आ–आफ्नो कार्यालय एवम् घर–घरमा साँझ दीपावली गरी ६५औँ राष्ट्रिय प्रजातन्त्र दिवसलाई भव्य रुपमा मनाउन हुन अनुरोध गरेको छ ।
त्यस्तै समितिले जारी गरेको सूचनामा सहभागी हुन चाहने सबैलाई सहिदगेटमा जम्मा भई खिचापोखरी, जुद्धशम्शेरको सालिक, इन्द्रचोक, असन, भोटाहिटी, रत्नपार्क, विद्युत् प्राधिकरणको ढोका हुँदै गरिने प्रभात फेरीमा सहभागी हुँन आह्वान गरेको छ ।
