काठमाडौं फागुन १०, राजधानीको बसन्तपुरमा आज विहान अज्ञात समूहले दुई किशोरीमाथि एसिड प्रहार गरेको छ । रामेछाप खनियापानी ८ घर भई बसन्तपुर बस्ने १६ 
वर्षीया संगिता मगर र रौतहटकी १५ वर्षीया सीमा वस्नेत रबसन्तपुर झोछेस्थित ए प्लस ट्युसन सेन्टरमा बसिरहेको अवस्थामा उनीहरु माथि एसिड प्रहार भएको प्रहरीले जनाएको छ ।
दुबै किशोरी एसएसलसी तयारीका लागि ट्युसन पढ्न गएका थिए । पीडितका अनुसार मास्क लगाएर आएका ३, ४ जनाको समूहले एसिड छयापेर भागेका थिए । प्रहरीका अनुसार संगिताको वीर अस्पतालमा उपचार भइरहेको छ । त्यस्तै सीमालाई उपचारका लागि सिनामंगलस्थित केएमसी अस्पताल रिफर गरिएको प्रहरीलेजनाएको छ । त्यस्तै घटनाबारे प्रहरीले अनुसन्धान गरिरहेको बताएको छ ।
