काठमाडौ फागुन ८, कुन देशको चरी हौ, कुन देशकी परी।। गीतका गायक एवम् माली आयल स्टोर कालीमाटीका प्रबन्ध सञ्चालक हिक्मतबहादुर मालीको निधन भएको 
छ। ६१ वर्षीय माली फोक्सोको अर्बुद रोगका कारण आज बिहान करिब ४ बजे ओम अस्पताल चाबहिलमा उपचारका क्रममा निधन भएको हो ।
मालीको आजै दिउँसो टेकुस्थित पचली घाटमा दाहसंस्कार गरियो । उहाँको पार्थिव शरीरमा उहाँका जेठा छोरा कवीन्द्रले दागबत्ती दिनुभएको थियो । स्व मालीका तीन छोरा, एक छोरी र श्रीमती छन् । उहाँप्रति श्रद्धाञ्जलि व्यक्त गर्न सभासद् नवीन्द्रराज जोशी, नेकपा ९एमाले०का नेता कृष्णगोपाल श्रेष्ठ, नेपाल चेम्बर अर्फ कमर्सका पदाधिकारी, विभिन्न सङ्घसंस्थाका प्रतिनिधिहरु टेकुस्थित पचली घाटमा जानुभएको थियो ।
