काठमाडौ फागुन १४, एमाओवादीका नेता डा बाबुराम भट्टराईले क्रान्तिकारी पत्रकार सङ्घद्दारा आज आयोजित कार्यक्रममा बोल्दै काँग्रेस र एमालेका शीर्ष नेताहरुले 
बृहत् शान्ति सम्झौताको मर्म बुझन नसकेको बताउँनु भएको छ ।
त्यस्तै उहाँले बाह्रबुँदे शान्ति सम्झौतामा उल्लेख भएअनुसार दलित, मधेसी, उत्पीडितको पीडा अन्त्य गरी राज्यलाई पुनःसंरचनाका लागि संविधान निर्माणमा पुँजीवादी र वामपन्थी शक्तिबीच एकता हुनु आफैमा जरुरी रहेको बताउनु भएको छ ।
कार्यक्रममा मा नेपाल प्रेस काउन्सिलका अध्यक्ष वोर्णबहादुर कार्की, नेपाल पत्रकार महासङ्घका पूर्वअध्यक्ष सुरेश आचार्य, पत्रकार महासङ्घका उपाध्यक्ष खिलबहादुर भण्डारी, नेपाल प्रेस युनियनका उपाध्यक्ष ईश्वरी ओझा र रिपोर्टर्स क्लबका अध्यक्ष ऋषि धमलाले सहमतिका आधारमा संविधान निर्माण गर्न आग्रह गर्नुभयो ।
