एजेन्सी माघ १८ , इस्लामिक बिद्रोही समूह आईएसले आफ्नो कब्जामा रहेका जापानी नागरिक हारुना युकावाको शिर छेद्न गरी हत्या गरेको केही
दिन पछि 
अर्का जापानी नागरिक केजी गोतोको शिर छेद्न गरेको भिडियो सार्वजनिक गरेको छ । पेशाले पत्रकार समेत रहेका गोतोको रिहाइका लागि जापान सरकारले गरेको प्रयासलाई चुनौती दिंदै आईएसले उनको हत्या गरेका छन् ।
यसअघि मुकुण्डो लगाएका आईएस लडाकुले भिडियो मार्फत ७२ घण्टाभित्र फिरौती रकम बापट २० करोड अमेरिकी डलर नदिए आफ्नो कब्जामा रहेका दुई जापानी नागरिकलाई मार्ने धम्की दिएको बीबीसीले जनाएको छ ।
यसैवीच जापानी प्रधानमन्त्री सिन्जो आबेले गोतोको हत्याप्रति आक्रोश ब्यक्त गर्दै आईएसको क्रूरतालाई घृणित कार्यको संज्ञा दिएका छन् । आईएसले अघि सारेको शर्तका बिषयमा छलफल जारी रहेकै बेला गोतोको हत्या गरिनु अमानवीय भन्दै उनले आईएसलाई कसैगरी पनि माफी नदिइने बताए । आईएसको कब्जामा रहेका जापानी पत्रकार गोतोको शिरच्छेदनको भिडियो सार्वजनिक भए लगत्तै सञ्चारकर्मीहरुसंग कुरा गर्दै प्रधानमन्त्री आबेले क्रुर र अमानवीय हर्कत त्याग्न भनेका छन ।
