अझै पनि सहमतिको आलाप जप्दै दलहरु
काठमाडौ पौष २२, संविधानका विवादित सवालमा दिनहुँ जस्तो सहमति बनाउने भन्दै बैठक बस्दै आएका सत्तारुढदल नेपाली काँग्रेस र नेकपा एमालेले र एमाओवादी,मधेसवादी लगायतका सानादलहरु वीचको निर्णायक भन्दै बस्दै गरेको बैठक आफैमा निष्कर्षहिन बन्दै गएको अवस्थामा सोमवार साँझ प्रधानमन्त्री निवास बालुवाटारमा बसेको बैठक पनि विना निष्कर्ष टुङगिएको छ ।
एकातर्फ संविधान जारीको लागि प्रस्ताव गरिएको मिति पनि नगिचिदै गर्दाको अवस्था र अर्कोतर्फ दलहरुको आआफ्नै अडानका कारण अनिर्णयको बन्धक बन्दै आएको मुलुकको राजनैतिक वृतमा देखिएको यो अन्यौलताले यत्रतत्र सर्वत्र निरासाको वादल मडारिएको अवस्था छ । यद्यपी दलहरु अझै पनि सहमतिको आलाप जप्न पछि परेका छैनन । यसैक्रममा आज पनि संविधानका विवादित विषयमा सहमति जुटाउनका लागि विकल्प सहितको छलफल भन्दै प्रमुख तीन दल र मधेसी मोर्चाका नेताहरुले आज पनि दुई पक्षीय तथा बहुपक्षीय छलफल गर्ने भएका छन् । एमाओवादी र मधेसी वादीदलसङग सत्तारुढ दलले छलफल गर्ने भएका छन् । आज बस्ने भनिएको बैठकमा विशेषगरी सोमवार एमाओवादी नेतृत्वको सङ्घीय लोकतान्त्रिक गठबन्धनले प्रस्तत गरेको नौबुँदे प्रस्तावका विषयमा समान धारणा खोज्नका लागियथाम्भव प्रयास गर्ने नेताहरुले बताएका छन ।
सोमवार प्रम निवासमा बसेको प्र्मुख सत्तारुढदलको बैठकपछि सञ्चारकर्मीसँग कुरा गर्दै काँग्रेसका उपसभापति रामचन्द्र पौडेलले एमाओवादी नेतृत्वको मोर्चाले पेस गरेको प्रस्तावका विषयमा छलफल भएको र आज बस्ने बैठकबाट उक्त प्रस्ताव उपर समान सहमति विन्दु पहिचान गर्ने जानकारी दिएका छन । तर उहाँले बैठकबाट भएको निर्णयका विषयमा भने थप जानकारी दिनु भएनन । साथै उहाँले सत्तारुढ दलका तर्फबाट प्रस्तुत प्रस्ताव र एमाओवादीका तर्फबाट पेस भएको प्रस्तावमा आधारित रहेर मध्यमार्गी बाटोको पहिचन गर्न आजको बैठकमा आफूहरूले तयार पारेको प्रस्ताव पेस गर्ने बताउँनु भएको छ ।