काठमाडौं माघ १७, नयाँ संविधानका विवादित विषयमा सहमति नबनेपछि प्रक्रियामा जान सत्ता पक्ष मात्रको सहभागितामा माघ ११ गते गठन गरिएको प्रश्नावली समितिको आज बस्ने भनिएको बैठक निर्धारित समय वितिसक्दा पनि बैठक अझै बस्न सकेको छैन ।
प्रश्नावली प्रस्ताव निर्माण समितिका ज्येष्ठ सदस्य कुलबहादुर गुरुङ उपस्थित हुन नसकेका कारण दिउँसो १ बजेका लागि तोकिएको समितिको बैठक अहिलेसम्म बस्न नसकेको हो। गुरुङ नेपालगन्जबाट काठमाडौँ आउँदै गरेकाले केहीबेर बैठक ढिलो हुन गएको थाहा भएको छ । संविधानसभा सचिवालयका अनुसार आजको पहिलो बैठकले समितिको कार्यविधि र काम कारबाहीबारे छलफल हुने जानकारी दिएको छ।
त्यस्तै एका तर्फ सत्ता र विपक्षी दलहरुबीच पछिल्ला दिनमा संवादहीनताको स्थिति र अर्कातर्फ दलहरुमा सहमतिको प्रयास भएपनि विपक्षीहरुले प्रश्नावली समिति खारेज गरी सहमतिमै संविधान बनाउने सुनिश्चित गर्नुपर्ने अडान लिइरहेको अवस्थाका वीच बैठक निर्धरित समयम नहुनुले मुलुकको रजनैतिक वृतमा अनेकन आशंका गरिएको छ ।