काठमाडौ माघ १४, अख्तियार दुरूपयोग अनुसन्धान आयोगले तत्कालीन प्रहरी नायब निरीक्षक जयन्द्र सङ्ग्रौलाविरुद्ध नक्कली शैक्षिक प्रमाणपत्र पेस गरी नोकरी सुरु 
गरेको भन्दै विशेष अदालत काठमाडौँमा मुद्धा दायर गरेको छ । सङ्ग्रौलाले सुरु नियुक्तिको लागि पेस गरेको विहार इन्टरमिडियट शिक्षा परिषद् पटना अन्तर्गतबाट सन् १९९३ मा आइए. तह उतीर्ण गरेको भनिएको शैक्षिक योग्यताको प्रमाणपत्र नक्कली एवम् झुट्टा देखिन आएको आयोगले जनाएको छ ।
सङ्ग्रौलामाथि भ्रष्टाचार निवारण ऐन, २०१७ को दफा १२ र २९ तथा प्रचलित भ्रष्टाचार निवारण ऐन, २०५९ को दफा १६ (१) बमोजिम हदैसम्मको दण्ड सजाय हुन मागदावी गरिएको आयोगले जनाएको छ ।
