काठमाडौ पौष १५, तमु ल्होछारका अवसरमा देश तथा विदेशमा रहनुभएका नेपालीमा सुख शान्ति तथा समृद्धिको शुभकामना व्यक्त गर्दैराष्ट्रपति डा रामवरण यादवले 
मुलुकका सबै क्षेत्रमा बसोबास गर्ने विभिन्न धर्म, जाति, भाषा र संस्कृतिसँग आबद्ध समुदायबीच आपसी समन्वय गर्दै हाम्रा विद्यमान परम्पराको संरक्षण र सम्वद्र्धन गर्न ल्होछार जस्ता पर्वले थप योगदान पु-याउने विश्वास व्यक्त गर्नुभएको छ । राष्ट्रपतिले ल्होछार पर्वले नेपालीबीच बन्धुत्व र एकताको भावना बढाउने कार्यमा थप सहयोग पुग्न सकोस् भन्ने कामना गर्नुभएको छ ।
यसैवीच उपराष्ट्रपति परमानन्द झाले पनि शान्ति, समृद्धि र नयाँ संविधान आजको राष्ट्रिय आवश्यकता भएको बताउनुभएको छ । तमु ल्होछार पर्वका अवसरमा दिनुभएको शुभकामना सन्देशमा ल्होछारपर्वले सबै नेपालीलाई एकताबद्ध गर्दै आपसी सहमति र सहकार्यको बाटामा अघि बढ्न प्रेरणा गरोस् भनी कामना गर्नुभएको छ ।
