एजेन्सी मङसिर २०, यमनको दक्षिणपूर्वी भागमा शनिबार चालकविहीन विमानले गरेको आक्रमणमा अल–कायदाका नौ लडाकू मारिएको त्यहाँको सुरक्षा स्रोतलाई उदृत गर्दै समाचारस्रोतहरुले जनाएको छ । सुरक्षा स्रोतका अनुसार यमनको सबवा प्रान्तको नुसाबमा अल–कायदाको केन्द्रमा अनेकौँ चालकविहीन विमानले आक्रमण गर्दा अल–कायदाका नौ सदस्यको मृत्युभएको जनाएको छ ।
एजेनसीका अनुसार अमेरिकी पत्रकार ल्युक सोमर्स एक वर्षअगाडि सानामा अपहरण भएको र उनलाई बन्धक मुक्त गर्न प्रयास स्वरुप प्रस्तुत आक्रमण भएको अनुमान गरिए पनि यसको औपचारिक पुष्टि गर्न नसकिएको बताएका छन ।
यद्यपी यमनी प्रतिरक्षा मन्त्रालयले अल–कायदाले अमेरिकी पत्रकार, बेलायती तथा दक्षिणी अफ्रिकी नागरिकलाई गत महिना अमेरिकी तथा यमनी सैनिक आक्रमणभन्दा पहिले नै अन्यत्र सारेको जानकारी दिएको छ । एएफपी