सरकारद्वारा ऋण असुली न्यायाधीकरण गठन
काठमाडौ पौष ११, मन्त्रिपरिषद्को आज बसको बैठकले सरकारले अर्थ मन्त्रालय अन्तर्गत ऋण असुली न्यायाधीकरण सम्बन्धी प्रस्ताव पारित गर्दै पदाधिकारी समेत नियुक्त गरेको छ । बैठकले न्यायाधीकरणको अध्यक्षमा कानुन, न्याय, संविधानसभा तथा संसदीय मामिला मन्त्रालयका उपसचिव शेरधन कार्की, बैँकिङ् सदस्यमा उपेन्द्रबहादुर कार्की र लेखा सदस्यमा रामशेखरप्रसाद चौधरीलाई नियुक्त गरेको कानुन मन्त्री नरहरि आचार्यले जानकारी दिनुभएको छ ।
त्यस्तै सरकारले आजै श्रीमतीको हत्यामा दोषी ठहर भइ जेल जीवन विताउँदै आएका सशस्त्र प्रहरीका डीआइजी रन्जन कोइरालालाई आएका सशस्त्र प्रहरीका डीआइजी रन्जन कोइरालालाई सरकारले बर्खास्त गरेको छ । बैठकले अदालतले दोषी ठहर गरिसकेका कोइरालालाई भविश्यमा समेत सरकारी जागिरका लागि अयोग्य हुनेगरी बर्खास्त गरेको हो ।
त्यसैगरि बैठकले नेपाल औद्योगिक व्यवस्थापन लिमिटेड सञ्चालक समितिको अध्यक्षमा नन्दकिशोर बस्नेतलाई नियुक्त गर्नुका साथै संस्कृति, पर्यटन तथा नागरिक उड्ययन मन्त्रालयलाई नेपाल र ओमानबीच हवाई सेवा सञ्चालनका लागि समझदारी पत्रमा हस्ताक्षर गर्न अनुमति दिएको छ ।