काठमाडौं मङसिर १९,ललितपुर जिल्लाको मौलिक सौन्दर्यतालाई जोगाइराख्न र बढ्दो फुटपाथ पसलको अतिक्रमण नियन्त्रण गर्नका लागि बढ्दो यातायातका साधन र फुटपाथ प्रयोग गर्ने पैदलयात्रीको सुविधालाई ध्यानमा राख्दै दुर्घटना न्यूनीकरण तथा रोकथाम गर्न महानगरीय प्रहरी परिसर ललितपुर उप–महानगरपालिका र स्थानीय टोलवासीको सहयोगमा ललितपुरमा फूल लगाउने र वृक्षरोपणको कार्य सुरु गरिएको छ ।
गत मङ्सिर १० गतेबाट दैनिक रुपमा फुटपाथ हटाउने कार्यसुरु भएसङगै यो अभियान सुरु गरिर्एको प्राप्त समाचारमा उल्लेख गरिएको छ । विगत १० वर्षदेखि जावलाखेलस्थित वडा कार्यालय परिसर , लगनखेल बसपार्क र वाग्मती पुल मुनिको क्षेत्रमा अतिक्रमण गरी बसेका पसल खाली गर्दै सुरु गरिएको उक्त क्षेत्रमा र वरिपरिका क्षेत्रमा समेत ३०० वटा गमलामा विभिन्न प्रजातिका फूल रोपिएको महानगरीय प्रहरी परिसर ललितपुरले जनाएको छ ।