काठमाडौ पौष १५, प्रधानमन्त्री सुशील कोइरालाले तमु अर्थात् गुरुङ समुदायको नयाँ वर्ष ल्होछारका उपलक्ष्यमा स्वदेश तथा विदेशमा रहेका तमु समुदायका समस्त दिदीबहिनी तथा दाजुभाइमा सुस्वास्थ्य, दीर्घायु, सुख, शान्ति, समृद्धि र उत्तरोत्तर प्रगतिका लागि शुभकामना व्यक्त गर्दै आन्दोलनबाट प्राप्त सङ्घीयता, गणतन्त्र, 
समावेशितासहितको लोकतन्त्र जस्ता ऐतिहासिक उपलब्धिलाई संस्थागत गर्र्ने कार्यमा समस्त राजनीतिक दललाई साथ दिन अनुरोध गर्नुभएको छ ।
त्यस्तै प्रम कोइरालाले आफ्नो सन्देशमा विविधताले युक्त नेपालमा भएर पनि विभिन्न समुदायबीचको आपसी सद्भाव, सहकार्य र मेलमिलापले सामाजिक सम्बन्ध अत्यन्त सुमधुर बनाउँदै एक आपसमा आत्मीयता बढाएको उल्लख गर्दै नेपाल बहुजातीय, बहुभाषिक, बहुसांस्कृतिक र बहुधार्मिक मुलुक भएको र भौगोलिक, जलवायु र जैविक विविधतायुक्त नेपाली भूभाग प्रकृतिको अनुपम सुन्दर फूलबारी भएको बताउँनु भएको छ । त्यस्तै जातीय विविधतायुक्त हाम्रो मुलुक हरेक जातिको ऐतिहासिक योगदान, वेशभूषा, भाषा र संस्कृतिबाट समृद्ध रहको र त्यसमाथि पनि तमु अर्थात् गुरुङ जातिका प्रस्तुत पर्वले जातिलाई ऐतिहासिक र ��ाँस्कृतिक रूपमा अझ समृद्ध बनाएको उल्लेख गर्नुभएको छ ।
