काठमाडौ मङसिर १५ अख्तियार दुरुपयोग अनुसन्धान आयोगले सेवाग्राहीसँग घुस लिँदै गरेको अवस्थामा आज पक्राउ गरेको छ । औषधि व्यवस्था विभागका फार्मेसी अधिकृत श्यामकुमार अधिकारी र सवारी चालक मनोज महर्जनसमेतले सेवाग्राहीसँग औषधि पसल अनुगमन गरी विभिन्न नमिलेका कुराहरू मिलाइदिन्छु भन्दै रु १५ हजार घुस लिँदै गरेको अवस्थामा विभाग परिसरबाटै अधिकारी र महर्जन लाइ पक्राउ गरेको आयोगले जनाएको छ ।
उनीहरूबाट आयोगको विशेष टोलीले नगद र सो कार्यमा प्रयोग गरिएको बा ३ च २७६२ नम्बरको हरियो रङ्गको टोयटा हाइलेक्स गाडीसमेत बरामद गरिएको आयोगले जारी गरेको विज्ञप्तिमा पक्राउ परेका दुवै जनालाई थप अनुसन्धानको लागि हिरासतमा लिइएको आयोगले जनाएको छ ।