काठमाडौं मङसिर १९, अख्तियार दुरूपयोग अनुसन्धान आयोगले रेडियो प्रसार सेवा समितिमा कार्यरत तत्कालीन वरिष्ठ प्राविधिक सहायक राजकुमार खड्काले बढुवा प्रयोजनका लागि पेस गरेको शैक्षिक योग्यताको प्रमाणपत्र नक्कली देखिन आएकाले उहाँमाथि हदैसम्मको दण्ड सजायको मागदाबी सहित आज मुद्धा दायर गरेको छ ।
त्च्यस्तै आयोगद्वारा जारी विज्ञप्तिमा आजै आयोगले वारा जिल्ला वरैनियाका तत्कालीन गाविस सचिव हरिनारायणप्रसाद साहले कानुनविपरीत खर्च र भत्ता लिएको पुष्टि भएकाले उनीमाथि जम्मा बिगो रु सात लाख चार हजार तीन सय मागदाबीका साथ आरोपपत्र दायर गरेको जनाएको छ ।