काठमाडौ मङसिर ८ , १८ अौं सार्क सम्मेलनको क्रममा सहभागी हुन आउने विशिष्ट अतिथिहरुको सुरक्षाका लागि राजधानीका सडक र चोकहरुमा 
राज्यको चारै सुरक्षा अङगका २८ हजार सुरक्षाकर्मी परिचालित गरिएको छ । यसरी परिचलित सुरक्षा अङगहरुमभ्ये पनि अत्यन्त संवेदनशील सुरक्षाको जिम्मेवारी भने नेपाली सेनालाई दिइएको बुझिएको छ ।
त्यस्तै यसरी १२ घण्टा खटिएका सुरक्षाकर्मीलाई सरकारले दैनिक ४ सयका दलले भत्ता दिने निर्णय गरेको थाहा भएको छ । यसैवीच आज विहानै विशिष्ट पाहुनाको सवारी चलाउनका लागि सुरक्षाकर्मीले विशेष पूर्वाभ्यास गरेका छन् । त्रिभुवन अन्तर्राष्ट्रिय विमानस्थलदेखि सोल्टी होटल तथा सोल्टीदेखि राष्ट्रिय सभागृह हुँदै राष्ट्रपति कार्यालयसम्ममा पूर्वाभ्यास गरिएको थियो । पूर्वाभ्यासको अनुगमनका लागि प्रधानमन्त्री सुशील कोइरालादेखि मन्त्रीहरु नै संलग्न थिए । सुरक्षामा सेना, सशस्त्र प्रहरी, नेपाल प्रहरी र अनुसन्धानका सुरक्षाकर्मीहरु खटिएका छन् ।
