काठमाडौ कात्तिक २७ ,केहि दिन यता देखि संविधान निर्माणमा देखिएका विवादित विषयमा सहमति जुटाउन भन्दै अनौपचारिक परामर्शमा व्यस्त रहदै आएका संवैधानिक राजनीतिक संवाद तथा सहमति समितिका सभापति डा बाबुराम भट्टराईले संविधान निर्माणमा देखिएका विवादित विषयमा सहमति जुटाउन आग्रह गर्दै आज प्रम सुशील कोइराला, एमालेका अध्यक्ष केपी शर्मा ओली र एमाओवादीका अध्यक्ष पुष्पकमल दाहालसँग टेलिफोनमा परामर्श गर्नुभएको छ।
सभापति भट्टराई निकट स्रोतका अनुसार आज भएको अनोपचारिक परामर्सको आधारमा शुक्रबार बस्ने संवाद समितिको बैठकमा घनिभूत छलफल गर्दै सहमतिको पहिचान गर्ने तयारी गरेको बुझिएको छ ।
त्यस्तै समितिको बैठकअघि काँग्रेस र एमाओवादीबीच प्रधानमन्त्री निवास बालुवाटारमा र एमाले र एमाओवादीबीच राज्यव्यवस्था समितिको बैठक कक्ष सिंहदरबारमा द्विपक्षीय वार्ताको कार्यसूचीसमेत तय गरिएको छ भने यसअघि सभापति डा भट्टराईले मजफो लोकतान्त्रिकका अध्यक्ष विजयकुमार गच्छदारसङग पनि प्रस्तावित प्रसङगमा छलफल गनु भएको थियो ।