मोरङ कात्तिक २१, माग दावी अनुरुप दाइजो नल्याएको निहुँमा आफ्नी बुहारी मीरादेवी शर्माको हत्या आरोपमा एकै परिवारका आठ जनालाई 19प्रहरीले पक्राउ गरेको छ । दाइजो कम ल्याएको निहुँमा छठ पर्वको समयमा गत कात्तिक १० गते साँझ मीरादेवीलाई कुटपिट गरी हत्या गरेका थिए । उनीहरूले घटना लुकाउन मीराको शव भारतीय भूमिका लगेर जलाएको प्रहरीले जनाएको छ ।
मोरङको बुधनगर–४ का ६० वर्षीय महेन्द्र शर्मा (ससुरा) र बिन्दा शर्मा (सासु) सहित सात जनालाई इलाका प्रहरी कार्यालय विराटनगरले पक्राउ गरेको हो । यसरी पक्राउ पर्नेमा सोही ठाउँका ४० वर्षीय देवानन्द शर्मा (जेठाजु ),सरितादेवी शर्मा (जेठानी), चन्दन शर्मा (श्रीमान), दीपक शर्मा, प्रकाश शर्मा, पङ्कज शर्मा रहेका छन ।
घटना सार्वजनिक भएपछि प्रहरीले पहिले सासू बिन्दा र जेठानी सरितादेवीलाई पक्राउ गरेको थियो । फरार भएका अन्यलाई भने भारतीय प्रहरीको सहयोगमा बुधबार विराटनगर–२२ मटेर्वा क्षेत्रबाट पक्राउ गरिएको प्हरीले बताउँदै हत्याका आरोपितलाई मोरङ जिल्ला अदालतमा कर्तव्य ज्यानअन्तर्गत म्याद थप गरेर अनुसन्धान अघि बढाइएको प्रहरीले जनाएको छ ।