काठमाडौँ कात्तिक २०, १३ बर्षीय नाबालिकालाई जबर्जस्ती करणी गरि गर्भवती बनाएकोको अभियोगमा रुकुम गरायला गा बि स वडा नं ४ बस्ने बर्ष ३३ को भिमे ओलीलाई रुकुम जिल्ला अदालतले १२ बर्ष जेल सजाय सुनाएको छ ।
प्राप्त समाचारमा उल्लेख भएको घटना विवरण अनुसार १३ बर्षिय बालिकालाई पहिलो पटक ०७१ बैशाख २८ गते र त्यस पछि पनि पटक पटक निज भिमे वोलीले जबर्जस्ती करणी गरि सो कुरा कसैलाई भनेमा ज्यान मार्ने धम्की दिदै बालिका सङग अनुचित सम्बन्ध राख्दै आएको र पछिल्लो सम्बन्धको क्रममा बालिका गर्भवती भएपछि परिबारका सदस्यले थाहा पाई सोधखोज गर्दा भिमे वोलीको कर्तुतको खुलास एको थियो । त्यसपछि बालिकाकी आमाले प्रहरीमा जाहेरी दिएको समाचारमा उल्लेख रहेको छ ।
त्यस्तै पिडित पक्षको तर्फबाट प्राप्त उजुरीको आधारमा प्रहरीले अभियुक्त भिमे वोलीलाई गिरफ्तार गरि यहि भाद्र २६ गते रुकुम जिल्ला अदालतमा मुद्दा दायर गरेका बुझिएको छ । । उक्त मुद्दामा रुकुम जिल्ला अदालतका न्यायाधीश श्री हेमन्त रावलको ईजलासले मुद्दामा निरन्तर सुनुवाई गरि मुद्दा दर्ता भएको दुई महिना भित्रै प्रत्यबादी भिमे वोलीलाई १२ बर्ष कैद र पिडित बालिकालाई रु १ लाख क्षतीपुर्ती समेत भराई दिने गरि आज फैसला गरेको कुरा अदालतका श्रेस्तेदार लोक बहादुर हमाललाइ उदृत गदै प्राप्त समाचारमा उल्लेख रहेको छ ।