काठमाडौ कात्तिक १८, व्यवस्थापिका–संसद्को आजको बैठकमा नेपाली काँग्रेसका सभासद् रमेश लेखकले हतियार व्यापार सन्धिमा हस्ताक्षर गरी अनुमोदन गर्न जरुरी रहेको भन्दै सार्वजनिक महत्वको प्रस्ताव पेस गर्नुभएको छ ।
परम्परागत हातहतियारको व्यापार नियमनका लागि निश्चित मापदण्ड बनाउने र गैरकानुनी हातहतियारको व्यापार तथा ओसारपसार पूर्णरूपले नियन्त्रण गर्ने उद्देश्य रहेको सो सन्धिमा १२२ देशले हस्ताक्षर र ५४ देशले अनुमोदन गरिसकेको छ भन्दै सभासद् लेखकले नेपाल १० वर्षे जनयुद्ध समाप्त गरी संविधान निर्माण, शान्ति स्थापना कार्यमा लागिरहेको अवस्थामा यो सन्धिको अनुमोदनले विश्वसामु एउटा उदाहरण प्रस्तुत गर्न सक्षम हुने उल्लेख गर्नुभएको थियो ।