एजेन्सी मङसिर ६ ,युक्रेनमा गत सेप्टेम्बरमा युद्धविराम भएपनि त्यसयता एक हजार जनाको ज्यान गएको संयुक्त राष्ट्रसङघले प्रतिवेदन सार्वजनिक भएको छ । हालै सार्वजनिक गरेको प्रतिवेदनमा गत सेप्टेम्बरदेखि दिनमा औसत १३ जनाका दरले मारिने गरेको र हालसम्म १ हजार जनाको मृत्यु 
भइसकेको उल्लख रहको समाचार एजेन्सीहरुले जनाएको छ ।
त्यस्तै प्रतिवेदनमा रुसी सेनाको दुव्र्यवहारका कारण उनीहरु मारिएको प्रतिवेदनमा उल्लेख गरिएको छ । यद्यपि, रुसले भने यस आरोपको खन्डन गरेको छ । युक्रनेस्थित संयुक्त राष्ट्रसङघका अनुसार गत अप्रिलदेखि जारी संघर्षमा हालसम्म ४ हजार ३ सय १७ जनाको मृत्यु भइसकेको छ भने पछिल्लो दुई महिनामा विस्थापित हुनेको संख्या ४७ हजार पुगेको छ ।
युक्रेन र रुसबीच रुसले क्राइमिया कब्जामा लिएपछि त्यस क्षत्रमा सङघर्ष सुरु भएको र गत सेप्टेम्बर ५ मा युक्रेन र रुसबीच युद्धविरामको सन्धिमा हस्ताक्षर भएको थियो ।
