काठमाडौ कात्तिक २१, अख्तियार दुरुपयोग अनुसन्धान आयोगले भ्रष्टाचारको आरोपमा पोखरा विश्वविद्यालय उपकुलपति खगेन्द्र भट्टराईसहित २३ पदाधिकारीलाई पक्राउ गरेपछि रिक्त रहेको पोखरा विश्वविद्यालयका विभिन्न पदमा सरकारले विभिन्न व्यक्तिलाई आज नियुक्त गरेको छ ।
बिहीबार मात्र प्रधानमन्त्री सुशील कोइरालाले विविकाका कामु उपकुलपतिमा प्रा डा विष्णुराज तिवारीलाई नियुक्त गर्नुभएको थियो । आज रिक्त रजिस्ट्रारमा राजेश ठकुराठी, व्यवस्थापन सङ्काय डिनमा डा दीपकबहादुर भण्डारी, विज्ञान तथा प्रविधि सङ्काय डिनमा डा निर्मला जमरकट्टेल र मानविकी तथा समाजशास्त्र सङ्काय डिनमा डा अजय थापालाई तीन महिनाका लागि नियुक्त गरिएको छ ।