काठमाडौ कात्तिक २४, भावी संविधानमा न्यायपालिकाको संरचना र न्यायिक कामकारबाहीका सम्बन्धमा छलफल गने उद्देश्य सहित आगामी 
मङ्सिर महिनाको पहिलो साता काठमाडौँमा देशभरका न्यायाधीशको दोस्रो राष्ट्रिय सम्मेलन हुने भएको छ । मङ्सिर १ गतदेखि आयोजना गरिने उक्त तीनदिने सम्मेलनमा विद्यमान न्याय सम्पादनलाई छिटो–छरितो, निष्पक्ष र प्रभावकारी बनाउन भावी कार्ययोजनाको समेत पहिचान गर्ने लक्ष्य निर्धारण गरिएको प्राप्त समाचारमा उल्लेख गरिएको छ ।
साथै सर्वोच्च पुनरावेदन र जिल्ला अदालतमा रहेका सबै न्यायाधीशहरुको सहभागीतामा हुने उक्त सम्मेलनले भावी संविधानमा न्यायपालिकाको संरचनाः हाम्रो सरोकार र अपेक्षा’, ‘न्यायपालिकाको समसामयिक समस्या र चुनौती एवम् भावी कार्यदिशा’, ‘न्यायिक उत्तरदायित्व तथा न्यायाधीशको भावी आचारसंहितको प्रभावकारी कार्यान्वयन’ र ‘न्यायपालिकाको तेस्रो रणनीतिक योजनाको कार्यान्वयनको अवस्था लगायतका प्रसङगमा छलफल गरी प्रतिवेदन तयार पार्ने कार्य योजना रहेको समाचारमा जनाइएको छ ।
