काठमाडौ कात्तिक १६, आदिवासी जनजाति राष्ट्रिय आन्दोलन, नेपालले जातीय पहिचान एवम् हक अधिकार सुनिश्चित गराउन आन्दोलनको घोषणा गरेको छ । 
आन्दोलनका कार्यक्रम सार्वजनिक गर्न आज राजधानीमा आज आयोजित घोषणा सभाबाट १३ बुँदे घोषणा पत्र जारी गर्दै आदिवासी जनजाति राष्ट्रिय आन्दोलन, नेपालका प्रवक्ता प्रा।डा। ओम गुरुङ्गले आन्दोलनको घोषणापत्र सार्वजनिक गर्नुभएको हो ।
त्यस्तै आन्दोलन घोषणा सभामा पद्मरत्न तुलाधर एनेकपा माओवादीका सचिव वर्षमान पून, नेकपा– माओवादीका सचिव देव गुरुङ्ग , वरिष्ठ साहित्यकार तिलविक्रम नेम्वाङ्ग, र नेपाल आदिवासी जनजाति महासङ्घका उपाध्यक्ष डण्डु सेर्पाले लगायतले एकल जातीय पहिचान सहितको सङघीय संविधान, गणतन्त्र, लोकतन्त्र र धर्मनिरपेक्षता, आत्म निर्णयको अधिकार, अग्राधिकार, जातीय स्वशासन र स्वायत्ततासहितको प्रदेशको पक्षम आन्दोलन केन्द्रीत हुँने बताउनु भएको थियो ।
