बिहिबार, चैत्र १५, २०८०

विजयादशमीको साँझ उपत्यकामा नेवार समुदायले मनाए खड्गजात्रा पर्व

काठमाडौ असोज १८, बडादसैंको अन्तिम दिन विजयादशमीको साँझ उपत्यकामा नेवार समुदायले खड्गजात्रा अर्थात ‘पाया’ पर्व मनाएका छन् ।

काठमाडौं उपत्यकालगायत नेवार समुदायको बसोबास रहेका अरु जिल्लाका शक्तिपीठहरुबाट खड्गधारण गरी खड्गजात्रा निकाल्ने गरिन्छ । तान्त्रिक विधिबाट खड्गको पूजाआजा गरी परम्परागत पहिरनमा खड्गधारण गरी खड्गजात्रा मनाउने गरिन्छ ।

काठमाडौंमा भने कंकेश्वरी, टेःवहाल, वटु भद्रकाली, कोहीटी निलबाराही, र हनुमानढोका दरवारबाट तलेजु भवानीको खड्गजात्रा निकाल्ने परम्परा छ । नगरपरिक्रमा गरी जात्रा सकिएपछि दानवको प्रतीक कुभिन्डोमा खड्गले प्रहार गरी असत्यमाथि सत्यको जित भएको भन्दै खुसियाली मनाउने गरिन्छ ।