काठमाडौं असोज २८, भारतको समुद्री क्षेत्रबाट नेपाल छिरेको हुदहुद आँधीका कारण कठमाडौं उपत्यका लगायत देशैभरी अविरलरुपमा परेको वर्षाका कारण जनजिवन प्रभावित भएको छ । त्यस्तैगरी म्याग्दी र मुस्ताङका उच्च हिमाली तथा पहाडी क्षेत्रमा हिमपात भएको छ । अविरल वर्षाका कारणले गर्दा एकाएक जाडो बढेपछि बृद्धबृद्धा, बालबालिका प्रभावित भएका छन् । यसैवीच जल तथा मौसम पूर्वानुमान महाशाखाले हुदहुद आँधीको प्रभाव बिहीवारसम्म पर्ने अनुमान गरेको छ ।