काठमाडौ असोज १५ ,राष्ट्रपति डा रामवरण यादव नेपाली सेनाद्वारा सैनिक मञ्च टुँडिखेलमा आज अपराह्न आयोजित विशेष फूलपाती बढाइँ कार्यक्रममा सरिक हुनुभएको छ । सो अवसरमा नेपाली सेनाका जवानले राइफल र तोपको बढाइँ गर्नुको अलावा १५ तोपको लहरे, पाँच तोपको एकट्ठा र नौतोपको लहरे बढाइँ गरिएको थियो ।
कार्यक्रममा उपराष्ट्रपति परमानन्द झा, प्रधानमन्त्रीका समेत कार्यभार सम्हाल्नु भएका उपप्रधान तथा गृहमन्त्री वामदेव गौतम, सभामुख सुवासचन्द्र नेम्वाङ, उपप्रधान मन्त्री प्रकाशमान सिहं ,मन्त्रिगण, नेपालस्थित कूतनीतिक नियोगका प्रमुख तथा उच्च पदस्थ सरकारी अधिकृतहरुको उपस्थिति रहेको थियो ।
