काठमाडौ असोज २०, नेपाल लगायत विश्वभर रहेका मुश्लिम समुदायले आज आफ्नो दोस्रो ठूलो पर्व बकर इद धुमधामका साथ नमाज एवम् कुर्बानी सहित अर्थात् बलि 
दिएर मनाएका छन् । पर्वको अवसरमा मस्लिम बन्धुहरुले आज बिहानै स्नान गरी इदगाह वा मस्जिदमा गएका मुस्लिम समुदायका भक्तहरूले नमाज पढेपछि एकअर्कालाई इद मुवारक भन्दै शुभकामना आदानप्रदान गरेका थिए । त्यसपछि नमाज पढेपछि मुस्लिम धर्म ग्रन्थ कुरानमा उल्लेख भए अनुसार अनुसार खसीबोका, राँगा, बाख्रा, भैँसी, भेडा र ऊँट आदि चौपायाको बलि अर्थात् कुर्बानी दिएका छन् ।
यसरी कुर्बानी दिएको मासु तीन भाग लगाई पहिलो भाग परिवारलाई, दोस्रो भाग इष्टमित्रलाई र तेस्रो भाग गरिब दीनदुःखीलाई छुट्याउने परम्परा रहेको छ । मुस्लिम समुदायको बकर इदको अवसरमा आज नेपाल सरकारले सार्वजनिक बिदासमेत दिएको छ ।
