काठमाडौ भाद्र ३१, आज बिहान सामाखुसी सडकखण्डमा बा३ख १६२८ नम्बरको मध्यउपत्यका यातायातको बसले ठक्कर दिँदा अन्दाजी २० वर्षीय राजकुमार राईको मृत्यु भएको महानगरीय प्रहरी वृत्त महाराजगन्जले जनाएको छ । बिहान करिब ५ बजे बसको ठक्करबाट साइकल यात्री राईलाइ नयाँ बसपार्कबाट महाराजगन्जतर्फ जाने क्रममा बसले ठक्कर दिएको हो ।
बस चालक लोकप्रसाद पौड्यालसहित सवारी साधनलाई प्रहरीले नियन्त्रणमा लिएको छ । राईको शव परीक्षणका लागि महाराजगन्जस्थित त्रिवि शिक्षण अस्पतालमा राखिएको महानगरीय प्रहरी वृत्त महाराजगन्जले जनाएको छ ।