श्रीमती अधिकारीको अनशन अन्त्यका लागि सहयोग गरिदिन मानवअधिकारकर्मी र नागरिक समाजलाइ आग्रह
काठमाडौ असोज ७, सरकारले गोरखा फुजेलका नन्दप्रसाद अधिकारी दम्पतीका छोरा कृष्ण��्रसादको हत्यामा संलग्न दोषीलाई कानुनी कारबाही
गर्ने प्रतिबद्धता व्यक्त गरेको छ । प्रधानमन्त्री तथा मन्त्रिपरिषद्को कार्यालयले श्रीमती अधिकारीको अनशन अन्त्यका निम्ति आवश्यक सहयोग गरिदिन मानवअधिकारकर्मीलगायत नागरिक समाजसँग अनुरोध गदै आज जारी गरेको प्रेस विज्ञप्ति यस्तो प्रतिवद्धता व्यक्त गरिएको हो ।
त्यस्तै विज्ञप्तिमा सरकार मुलुकको प्रचलित संविधान, कानुन, अन्तर्राष्ट्रिय प्रतिबद्धता, न्यायका मान्य सिद्धान्त, सर्वोच्च अदालतका फैसला तथा राष्ट्रिय मानव अधिकार आयोगका सिफारिसका आधारमा मानव अधिकार उल्लङ्घन हुन नदिन लागिपरेको र कथंकदाचित उल्लङ्घन भइहालेमा जुनसुकै व्यक्तिलाई कानुनको दायरामा ल्याई पीडकलाई दण्ड र पीडितलाई न्याय दिलाउन प्रतिबद्ध छ रहेको जनाउँदै अधिकारी दम्पतीका छोराको हत्यामा संलग्न रहेको अनुसन्धानबाट देखिएका रुद्र आचार्य नेपाल बाहिर रहेको जानकारी प्राप्त भएकाले उनलाई पक्राउ गर्न अन्तर्राष्ट्रिय प्रहरी सङ्गठन (इन्टरपोल) मार्फत् सूचनासमेत जारी गरिसकिएको उल्लेख गरेको छ ।
