काठमाडौ भाद्र १८, मानव बेचबिखनविरुद्धको आठौँ राष्ट्रिय दिवस आजबाट भाद्र २४ गतेसम्म विभिन्न कार्यक्रम गरी मनाइँदैछ । महिला, 
बालबालिका तथा समाज कल्याण मन्त्रालय र माइती नेपाललगायत गैरसरकारी संस्थाले संयुक्तरूपमा सो दिवस मनाउन लागिएको हो दिवस मनाउन मन्त्री नीलम केसीको संयोजकत्वमा मूल समारोह समिति गठन भएको छ । मानव बेचविखन नियन्त्रण गर्ने उद्देश्यका साथ सो दिवस मनाउन सुरु गरिएको र बेचबिखनमा परेको चेलीलाई उद्धार गर्न सरकारले आठ पुनःस्थापना केन्द्रको स्थापना गरेको छ । हाल केन्द्रमा ७४० महिला छन् ।
मानव बेचबिखन तथा ओसारपसार ऐन २०६४ र नियमावली २०६४ बने पनि त्यो प्रभावकारी रूपमा कार्यान्वयन हुन नसक्दा अझै पनि महिला बेचबिखनको काम पूर्णरूपमा नियन्त्रण हुन सकेको छैन ।
