काठमाडौ असोज १, एसएलसी परीक्षामा अङ्क फेरबदल गरी अनियमितता गर्ने जिल्ला शिक्षा कार्यालय गोरखाका तत्कालीन विद्यालय निरीक्षक 
रेशमबहादुर थापाविरुद्ध अख्तियार दुरुपयोग अनुसन्धान आयोगले आज विशेष अदालत काठमाडौंमा मुद्धा दायर गरेको छ । काभ्रेस्थित बाल निकेतन उच्च माध्यामिक विद्यालयमा २०६९ सालको एसएलसी परीक्षामा विद्यार्थीले प्राप्त गरेको अङ्कमा २७ देखि ९० अङ्कसम्म थप गरी डिस्टिङ्सनमा पास गराई विद्यार्थीहरूले प्राप्त गरेको परिमाणमा फेरबदल गरी अनियमितता गरेको आयोगद्वारा जारी विज्ञप्तिमा जनाइएको छ ।
यसैवीच आजै आयोगले प्रहरी प्रधान कार्यालयका तत्कालीन प्रहरी सहायक निरीक्षक गङ्गाबहादुर अधिकारीले बढुवा प्रयोजनका लागि पेस गरेको शैक्षिक योग्यताको प्रमाणपत्र नक्कली देखिन आएकाले निजमाथि पनि हदैसम्मको दण्ड सजायको मागदाबी गदै मद्दा दायर गरेको छ ।
