काठमाडौ असोज १, कानुन, न्याय, संविधानसभा तथा संसदीय मामिला मन्त्री नरहरि आचार्यले सामाजिक न्याय तथा मानवअधिकार समितिको 
आज बिहान बसेको बैठकमा बेपत्ता पारिएका व्यक्तिहरूको छानबिन र सत्य निरुपण तथा मेलमिलाप आयोग गठनसम्बन्धी काम तीव्र गतिमा अघि बढाइएको स्पष्ट गर्नुभएको छ ।
मन्त्री आचार्यले संवैधानिक परिषद्का अध्यक्ष एवम् प्रधानमन्त्री सुशील कोइरालाका तर्फबाट जवाफ दिँदै उहाँले दुवै आयोगमा पदाधिकारी नियुक्तिका लागि सिफारिस गर्न गठन भएको समितिले आफ्नो काम अन्तिम चरणमा पु-याएको जानकारी समेत त्यस अवसरमा दिनुभएको प्राप्त समाचारमा उल्लेख गरिएको छ । विस्तृत शान्ति सम्झौताको मर्म र भावनाअनुरुप शान्तिप्रक्रियालाई निष्कर्षमा पु¥याउन सरकार प्रतिबद्ध रहेको दोहो-याउँदै मन्त्री आचार्यले द्वन्द्वकालमा भएका मानवअधिकार उल्लङ्घनका गम्भीर प्रकृतिका घटना र बेपत्ता पारिएकाको छानबिन गर्ने आयोगप्रति राष्ट्रिय एवम् अन्तर्राष्ट्रिय जगतको चासो रहेको बताउनुभयो ।
