रौतहट भाद्र २८, एक छात्रालाई दुव्र्यवहार गरेको आरोपमा स्थानीय तथा विद्यार्थीले यमुनामाई उच्च माध्यामिक विद्यालयका एक शिक्षकलाई नियन्त्रणमा लिएर प्रहरीलाई बुझाएका छन् । झुन्खुन्वामा रहेको सो विद्यालयमा अध्यनरत एक छात्रालाई विज्ञान विषयका शिक्षक जयचन्द्र यादवले 
दुव्र्यवहार गरेपछि अभिभावक र विद्यार्थीले यादवलाई प्रहरीको जिम्मा लगाएका हुन् । दुई दिनअघि सपनामा यौन दुव्र्यवहार गरेका शिक्षकले छात्रालाई सुनाउँदै जबर्जस्ती गर्न खोजेपछि छात्राले आफ्नो अभिभावकलाई सो कुरा जानकारी गराएकी थिइन् । घटनाबारे जानकारी पाएपछि विद्यालय पुगेका प्रहरीलाई उनीहरूले शिक्षक बुझाएका थिए ।
आरोपित शिक्षकलाई कारबाही गर्नुपर्ने माग गर्दै विद्यार्थीले विद्यालयमा पठनपाठन बन्द गराएका छन् । छात्रालाई सपनामा हामीबीच धेरै कुरा भयो भन्दै शिक्षक यादवले जबर्जस्ती गर्न खोजेपछि रुँदै घर गएर सबै अभिभावकलाई छात्राले जानकारी गराएको छिमेकी प्रकाश यादवले बताए । कारबाहीको माग गर्दै केहीबेर गौर चन्द्रनिगाहपुर सडकखण्डको झुन्खुन्वामा विद्यार्थीले बन्दसमेत गरेका छन् । शिक्षक यादवले भने सपनामा छात्रालाई बाहिर घुमेको देखेको र सोही कुरा बताउँदा अभिभावक र विद्यार्थीले आफूलाई कुटपिट गरेको बताए । जिल्ला प्रहरी कार्यालय गौरले पक्राउ परेका शिक्षकसँग आवश्यक अनुसन्धान भइरहेको जिल्ला प्रहरी कार्यालय रौतहटका प्रहरी नायब उपरीक्षक भीम ढकाललाइ उदृत गदै आजका राजधानी दैनिकमा समाचार प्रकाशित रहेको छ ।
