१७ वर्षपछि हुँदै गरेको भारतीय प्रधानमन्त्रीको नेपाल भ्रमण आफैमा महत्वपूर्ण
काठमाडौं श्रावण १८, भारतीय प्रधानमन्त्री नरेन्द्र मोदी दुई दिने भ्रमणका लागि आज नेपाल आउनु हुने भएको छ । उहाँ विशेष विमानबाट अहिले १० : ५० बजे त्रिभुवन अन्तराष्ट्रिय विमान स्थलमा आइपुग्नु हुने भएको छ । मोदीलाई प्रधानमन्त्री सुशील कोइरालले अति विशेष कक्षमा स्वागत गर्नुहुने भएको छ । यस्तै नेपाली सेनाले पनि मोदीलाई भण्डै २० मिनेटको विशेष सम्मान दिने भएको छ । त्यस पछि प्रम मोदी विमानस्थलबाट होटल हायातमा जानुहुने भएको छ ।
त्यस्तै प्रम मोदीले नेपाल भ्रमणको क्रममा हुँने औपचारिक भेटवार्ताको कार्यक्रम भने मध्यान्ह १२ : २५ बजेबाट सुरु गर्नुहुने बुझिएको छ । आ्रपचारिक भेठवार्ताको सुभारम्भ प्रधानमन्त्री सुशील कोइरालासँगको भेटपछि सुरु हुने बताइएको छ । यसैवीच प्रस्तु भेटवार्ताको क्रममानै दिउँसो २:३० बजेपछि भने सिंहदरबारमा हुने विशेष छलफलमा विभिँन सन्धी सम्झौतामा हस्ताक्षर हुने बताइएको छ। त्यस पछि पनि विभिन्न् व्यक्ति विशेष सङगको भेटवार्ता र अपरान्हमा प्रम मोदीले संविधानसभालाई सम्वोधन गरेर आजै दिवा तथा रात्री भोजमा सहभागी हुनुहुने भएको छ । भोलि भने बिहान ९ बजे पशुपतिनाथ मन्दिरमा हुने विशेष पुजामा सहभागी भएपछि अन्य भेटघाटका कार्यक्रम तय गरिएको छ ।
पशुपतिनाथ मन्दिरमा आधा घन्टाको पुजा सकेर राष्ट्रपति डाक्टर रामवरण यादव, तथा प्रमुख पार्टीका शिर्ष नेतासँग भेट गर्नुहुने भएको छ भने भोलि नै व्यापारीका समुदायलाई सम्वोधन गरेपछि साँझ ५ बजे मोदी स्वदेश फर्किने कार्यक्रम तय भएको छ । मोदीसँग भण्डै ७५ जनाको टोली भ्रमणमा आउने भएको परराष्ट्र मन्त्रालयले जनाएको छ । १७ वर्षपछि नेपालमा भारतीय प्रधानमन्त्री को यो भ्रमणलाई विशेष महत्वका साथ हेरिएको छ ।