काठमाडौ भाद्र ४, विपद् व्यवस्थापन उच्चस्तरीय समितिको आज बसेको बैठकले हालै आएको बाढी पहिरोबाट मृत्यु भएकाहरुको परिवारलाई राहत 
स्वरुप रु एक लाख दिन सरकारलाई सिफारिस गर्ने निर्णय गरेको छ । समितिका संयोजक प्रधानमन्त्री सुशील कोइरालाको संयोजकत्वमा व्यवस्थापिका–संसदमा प्रतिनिधित्व गर्ने सम्पूर्ण दलका प्रतिनिधि सहभागी समितिको आज बसेको बैठकले उक्त निर्णय गरेको उपप्रधान बामदेव गौतमले जानकारी दिनु भएको छ ।
उपप्रधानमन्त्री गौतमले पीडितहरुलाई राहत सहयोग, पुनःस्थापना लगायतमा सहयोग पु¥याउन केन्द्रस्तरबाट दैनिक रुपमा अनुगमन गरिने र जिल्ला स्तरमा राजनीतिक दल, नागरिक समाजलगायतको सहभागितामा जिल्लास्तरीय सहयोग समिति पनि गठन गरिने बताउँनु भएको छ ।
