काठमाडौ भाद्र ४, नेकपा एमाले सङग आबद्ध जनसङ्गठनको संयुक्त बैठकले पार्टीले स्थापना गरेको केन्द्रीय प्राकृतिक विपत्ति राहत कोषमा मोर्चाका तर्फबाट रु २६ लाख १० हजार सहयोग गर्ने निर्णय गरेको छ । प्राप्त समाचारमा उल्लेख भएअनुसार पेसागत महासङ्घको तर्फबाट रु १० लाख, प्रगतिशील तथा पेसागत कानुन व्यवसायी सङ्गठनको तर्फबाट रु तीन लाख, अखिल नेपाल किसान सङ्घ र उद्यमी तथा व्यवसायी महासङ्घ रु दुई/दुई लाख, अनेरास्ववियु, अखिल नेपाल महिला सङ्घ, नेपाल ट्रेड युनियन महासङ्घ, नेपाल बुद्धिजीवी परिषद्, लोकतान्त्रिक आदिवासी जनजाति महासङ्घ र लोकतान्त्रिक मधेसी सङ्गठनबाट रु एक÷एक लाख रहेको र
युवा सङ्घ नेपाल, प्रेस चौतारी, नेपाल लोकतान्त्रिक खेलकुद महासङ्घ र नेपाल मुस्लिम इत्तेहाद सङ्गठनको तर्फबाट रु ५०/५० हजार सहयोग गर्ने बुझिएको छ । त्यस्तै नेपाल राष्ट्रिय भूपू सैनिक तथा प्रहरी सङ्गठन, राष्ट्रिय जनसांस्कृतिक महासङ्घ, नेपाल भूमिहीन सुकुम्वासी सङ्गठन र नेपाल उत्पीडित जातीय मुक्ति समाजले रु २५/२५ हजार र सहयोग गरेका छन् भने लोकतान्त्रिक राष्ट्रिय अपाङ्ग सङ्गठनले रु १० हजार सहयोग दिएको समाचारमा उल्लेख गरिएको छ ।