काठमाडौ भाद्र १, हाम्रो फ्रेण्डशिप फोरम नेपालले आज एक कार्यक्रमको आयोजना गरी सुनकोशी बाढीपहिरो पीडितहरुको सहयोगार्थ संस्थाले चलाएको राहत संकलन अभियानमा बिशेष सहयोग गर्ने व्यक्ति तथा संस्थाहरुलाई सम्मान स्वरुप प्रशंसा पत्र वितरण गरेको छ । प्रहरी उपरिक्षक रमेश खरेल,केन्द्रीय अनुसन्धान ब्युरोका प्रहरी उपरिक्षक पिताम्बर अधिकारी र शसस्त्र प्रहरी उपरिक्षक के बि ब्रम्हाचार्य लगायतका ब्यक्तिहरुको उपस्थितीमा आयोजित उक्त कार्यक्रममा नेपाल यातायात मिनिवस सेवा समिती,एभिन्युज टेलिभिजन ,दया खड्का र माउण्टेन टेलिभिजन, न्युज अभियान डट कम र गायिका पुनम पन्तलगायतलाइ प्रशंसापत्र वितरण गरिएको थियो ।
त्यस्तै समाज परिवर्तन गर्नुपूर्व युवाहरु आफैबाट परिवर्तनको सुरुवात गर्नु पर्छ भन्दै प्रहरी उपरिक्षक रमेश खरेलले कम बोल्ने र बढी गरेर देखाउनु आजको आवश्यकता भएको बताउँनु भएको थियो ।
त्यस्तै प्रहरी उपरिक्षक पिताम्बर अधिकारिले युवाहरुको जागरणले मात्र बिकास सम्भव भएको बताउदै फ्रेन्डशिप फोरमले थालेको युवा जागरणमा आफुले सक्दो सहयोग र समन्वय गर्ने बताउनु भयो । शसस्त्र प्रहरी उपरिक्षक के बि ब्रम्हाचार्यले कसैको पसीना र श्राप नखानेगरी काम गर्न युवाहरुलाई सुझाव दिनु भएको थियो ।
साथै त्यस अवसरमा संस्थागत रुपमा फ्रेण्डशिप फोरम नेपालका सदस्यहरुले ब्यक्तिगत रुपमा मुठ्ठीदान अभियानको समेत औपचारिक सुरुवात गरेका छन । संस्थाका अध्यक्ष यज्ञराज कार्कीले मुठ्ठीदानबाट सङकलीत खाद्यान्न दिनहिन र असाहय तथा प्राकृतिक बिपत्तिमा परेकाहरुलाई सहयोगका निमित्त उपलब्ध गराइने जानकारी दिनु भएको छ । कार्यक्रममा संस्थाकी कोषध्यक्ष् स्मिता केसी, न्युज अभियान डट कमका सागर श्रेष्ठ वालवालिका पूर्नस्थापना केन्द्रका कार्यकारी निर्देशक सबिता उप्रेती,१०० ग्रेजुएटका रामहरी अधिकारी र कायक्रम प्रशिक्षक रमण नेपाली समेतले फ्रेण्डशिप फोरम नेपालले स्थापनाको छोटो अवधिमानै निक्कै उपलब्धीमुलक र प्रभावकारी कार्यक्रमहरु गर्न सकेकोमा बधाई तथा शुभकामना ब्यक्त गर्नु भएको थियो ।