काठमाडौ भाद्र ४, नेपालले पहिलोपटक एसिसी यु–१६ प्रिमियर लिग अन्तर्गत मलेसियाको क्वालालम्पुरस्थित किनरा ओभल मैदानमा आज भएको लिग चरणको अन्तिम खेलमा नेपालले मलेसियालाई ३२ रनले पराजित गर्दै क्रिकेट प्रतियोगिताको उपाधि जितेको छ ।
टस हारेर पहिले ब्याटिङको निम्तो पाएको नेपालले निर्धारित ४० ओभरमा नौ विकेट गुमाउँदै १६१ रन जोडेका थिए भने जवाफी ब्याटिङमा उत्रेको मलेसिया ३६ दशमलव २ ओभरमा १२९ बनाउँदै अलआउट भएका थिए । त्यस्तै प्रतियोतिामा ‘म्यान अफ द टुर्नामेन्ट’को उपाधि नेपालका अनिल खरेल र ‘बलर अफ द टुर्नामेन्ट’ जितेन्द्र सिंह ठकुरी घोषित भए । उत्कृष्ट ब्याट्सम्यानको उपाधि मलेसियाका वीरनद्वीप सिंहले प्राप्त गरेका थिए ।