विराटनगर, भाद्र १, जननायक बिपी कोइरालाको जन्म शताब्दीको अवसरमा नेपाली काँग्रेस केन्द्रीय नीति तथा प्रशिक्षण प्रतिष्ठानले आज देखि ‘बिपी विचार यात्राको’ विधिवत् शुभारम्भ गरेको छ । यात्राको शुभारम्भ कार्यक्रमलाइ सम्बोधन गदै काँग्रेसका वरिष्ठ नेता एवम् पूर्व प्रधानमन्त्री शेरबहादुर देउवाले राष्ट्रियता, प्रजातन्त्र र समाजवादका विचारक बिपी देशकै महान् सपूत भएको बताउँदै नयाँ संविधानमा पहाड, मधेस, तराई, हिमाल, महिला, आदिवासी जनजाति र मधेसीलगायत सबैको भावना समेटिने विश्वास व्यक्त गर्नुभएको प्राप्त समाचारमा जनाइएको छ ।
त्यस्तै पार्टी उपसभापति रामचन्द्र पौडेलले नेपाली जनताको सामाजिक सद्भाव र राष्ट्रलाई अक्षुण्ण राख्न बिपीको महान् विचारलाई जनताको बीचमा पु-याउन विचार यात्रा थालिएको बताउँनु भएको थिये भने महामन्त्री कृष्णप्रसाद सिटौलाले बिपीको विचार आज नेपाली काँग्रेसमा मात्रै सीमित नरही सबै पार्टीका लागि अनुकरणीय भएको उल्लेख गर्नुभएको थियो ।
आजबाट भाद्र २४ गते सम्म जारी रहने विचार यात्रा केन्द्रीय कारागारमा पुगेर समापन हुने बताइएको उक्त कार्यक्रम मोरङग काँग्रेसका सभापति अध्यक्ष अमृत अर्यालको सभापतित्वमा सम्पन्न भएको थियो ।