काठमाडौं श्रावण ११ ,उद्योगपति पशुपति मुरारकालाई विद्युतिय सञ्चार माध्यमबाट धम्कि दिएको अभियोगमा नेपाल समाचारपत्र दैनिकका सहसम्पादक एवम् नेपाल पत्रकार महासंघ केन्द्रीय प्रतिनिधी लेखनाथ अधिकारीलाई आईतबार प्रहरीले पक्राउ गरेको छ । नेपाल समाचारपत्र दैनिकमा कार्यरत अधिकारीलाई महानगरीय प्रहरी अपराध महाशाखाको टोलीले पक्राउ गरेको हो ।
पक्राउ परेका पत्रकार अधिकारीलाई थप अनुसन्धानकालागी महानगरीय प्रहरी परिसर हनुमानढोकाको जिम्मा लगाइएको छ । अधिकारीको अवस्थाका बारेमा जानकारी लिन नेपाल पत्रकार महासंघका अध्यक्ष डा महेन्द्र विष्ट हनुमानढोका पुगेका प्रहरी स्रोतले जनाएको छ ।
प्रहरी उच्च स्रोतका अनुसार पत्रकार अधिकारीको ईलेक्टेनिक समाग्री प्रयोग गरेर उद्योगी मुरारकालाई धम्कि दिएकाले उनलाई पक्राउ गरिएको हो । सोमबार महानगरिय प्रहरी परिसर हनुमानढोकाले पत्रकार सम्मेलनको आयोजना गरेर घटना बारे विस्तृत विवरण सार्वजनिक गर्ने जानकारी दिएको छ ।