सब इन्जिनियर र लेखा अधिकृत अख्तियारको हिरासतमा

काठमाडौँ आषाढ ३२, सेवाग्राहीबाट रकम लिएको सूचनाको आधारमा अख्तियार दुरूपयोग अनुसन्धान आयोगको विशेष टोलीले डिभिजन सडक कार्यालय दोलखा चरिकोटका सब इन्जिनियर उमेशराज सुवेदी र लेखा अधिकृत जीवन प्रकाश महतारालाई हिरासतमा लिएको छ । आयोगद्धारा आज जारी विज्ञप्तिमा सब इन्जिनियर सुवेदीको सरकारी निवासबाट रु एक लाख ४१ हजार ६९० र सोही कार्यालयका लेखा अधिकृत महताराको सरकारी निवासबाट रु चार लाख ९० हजार १०० नगद बरामद गरिएको जनाएको छ । निजहरू दुवैलाई हिरासतमा लिई थप अनुसन्धान गरिरहेको आयोगले जनाएको छ ।