काठमाडौँ आषाढ २४, नेकपा (एमाले) संसदीय दलका नेता केपी शर्मा ओलीले महाधिवेशनस्थलमा आज पत्रकारसँग कुरा गर्दै पार्टी अध्यक्ष झलनाथ खनालले वरिष्ठ नेता माधवकुमार नेपालको समूहलाई समर्थन गरेको भन्ने समाचरमा आफूलाई विश्वास नभएके बताउँनु भएको छ । त्यस्तै नेता ओलीले खनालले नेतृत्व हस्तान्तरणका लागि आफूलाई पटक पटक वचन दिनुभएको जिकिर गर्दै यि र यस्ता वेतुकका कुरा पछाडी लाग्न नहुने बताउँनु भएको छ ।
यसैवीच नेता नेपाल समूहतिर लागेका भनिएका केन्द्रीय सदस्य कृष्णगोपाल श्रेष्ठले आफू नेतृत्व हस्तान्तरण पक्षमै रहेको भन्दै सो अभियानमा लाग्न प्रतिनिधिलाई आग्रह गर्नुभएको छ । नेता श्रेष्ठले आज एक प्रेस विज्ञप्ति जारी गर्दै पार्टीका सबै नेताप्रति आफ्नो समर्थन रहेको जनाउँदै आफू पार्टी एकताको पक्षमा उभिएकाले कुनै पदमा उम्मेदवार नदिने स्पष्ट गर्नुभएको छ ।