काठमाडौं श्रावण ८, भारतको हैदराबादबाट ५० किलोमिटरको दुरीमा रहेको तेलंगना प्रदेशमा रेलले बसलाई ठक्कर दिदा १८ स्कुले बालबालिका सहित १९ जनाको मृत्यु भएको छ । भारतीय सञ्चार माध्यमहरुले जनाए अनुसार आज बिहान मेडक जिल्लाको चेगुंटा भन्ने स्थानमा बिद्यार्थी बोकेर स्कुल गइरहेको बसलाई रेलले ठक्कर दिदा प्रस्तुत दुर्घटना भएको र दुर्घटनामा बस चालक सहित १८ जना स्कुले बालबालिकाहरुको ज्यान गएको बुझिएको छ ।
रेलवे क्रसिङमा चालकले रेललाई नदेख्दा यो भयानक दुर्घटना भएको भारतीय संचार माध्यमहरुले जनाएका छन । काकतिया स्कुलका ३३ बिद्यार्थी बोकेर गइरहेको बस मसाइपेत गाउँमा दुर्घनाग्रस्त भएको हो । रेलले ठक्कर दिएपछि बस पल्टिएको थियो । रेलमा भने कुनै क्षति नभएको बताइएको छ ।