काठमाडौँ श्रावण ४, राजधानीको त्रिचन्द्र कलेजमा २०५६ सालमा स्थापना भएको बिपी पुस्तकालयमा आज अपराह्न आगलागी हुँदा त्यहाँ रहेको रहेका सबै कागजात तथा फर्निचर जलेर नस्ट भएका छन् ।
उक्त घटनाबारे महानगरीय प्रहरी वृत्त दरबारमार्गका प्रहरी नायब निरीक्षक राजकुमार सिलवालले घटनाको स्वतन्त्र पुष्टि हुन बाँकी रहेको र थप अनुसन्धान भइरहेको प्रेसलाइ जानकारी दिएका छन ।
त्यस्तै प्रहरीका अनुसार बिहान ११: १५ क्याम्पसको पुस्तकालयमा अध्ययन गरिरहेको अवस्थामा क्याम्पसका विद्यार्थी प्रेम केसीमाथि दुईजना हतियार (खुकुरी) सहित प्रवेश गरेका व्यक्तिले एक्कासि अन्धाधुन्द खुकुरी प्रहार गरेको र खुकुरी प्रहारबाट केसीको टाउको र हातमा चोट लागेका घाइते केसीको बागबजारस्थित मोडल अस्पतालमा उपचार भइरहेको प्रहरीले जनाएको छ ।
खुकुरी प्रहारप्रहारको घटनापछि दिउँसो १:१५ मा बिपी पुस्तकालयमा आगजनी भएको र घटनापछि आक्रोशित अनेरास्ववियु समर्थित विद्यार्थीले घण्टाघरअगाडिको सडकमा नाराबाजीसहित विरोध प्रदर्शन गरेका थिए । तिनै आक्रोशित विद्यार्थीबाटै आगलागी भएको हुनसक्ने अनुमान गरेको छ । यो समाचार तयार पार्दा सम्म कसले किन खुकुरी प्रहार गरेको हो भन्ने यथार्थता सार्वजनिक भएको छैन