डडेल्धुरा श्रावण ४, विगत केहि दिन यता देखि परेको अविरल वर्षाका कारण महाकाली नदीमा आएको बाढी गाउँ पसेपछि डडेल्धुराको भित्री मधेस क्षेत्रका दर्जनौ गाउँ 
विस्थापित भएका छन् । महाकाली नदी तथा पन्तुरा र रङ्गुन खोलामा आएको बाढीका कारण जोगबुढाका सादनी, चन्दनी, तातोपानी, सिमलखेत, कुणा, छेला, ठन्नजाला, पटरेनी, शरकुणा, खैरजाला, सिसमजालालगायत गाउँका बासिन्दा विस्थापित भएका हुन् ।
लगातारको वर्षाका कारण महाकाली नदीमा पानीको सतह ६.१० मिटर माथि पुगेको सयौँ रोपनी खेतीयोग्य जमिन बाढीले कटान गरिसकेको स्थानीय प्रशासनलाई उदृत गर्दै प्राप्त समाचारमा जनाइएको छ ।
