काठमाडौं श्रावण ८, हिन्दूवादी नेता कासी तिवारीको हत्यामा संलग्नलाई दशौ लाख घुस दिएर चर्चामा आएका भ्रष्ट र घुस्याहा छवी वोकेका नापी विभागका महानिर्देशक नागेन्द्र झाले भाद्र महिनामा हुने सरूवाका लागि आफ्ना मातहतका कर्मचारीबाट लाखौं असुल्न थालेको बुझिएके छ । नापी विभागमा हरेक भाद्र महिनामा कर्मचारीको सरुवा गर्ने प्रावधान रहेको छ । मन्त्रालयबाट काजमा विभाग आएका झा दुई वर्षदेखि त्यहिं छन् । मधेसवादी दल र एमाओवादीको बलियो समर्थन रहेको भन्दै झाले आफुलाई कसैले हटाउन नसक्ने भन्दै विभागमा रजगज गर्दै आइरहेको श्रोतले बताएको छ ।
स्रोतका अनुसार झा नेपाल सरकारका कर्मचारीहरु मध्ये सर्वाधिक भ्रष्ट र विवादित कर्मचारीको रुपमा चिनिन्छन् । महानिर्देशक झा अहिले भदौरे सरुवा अभियानमा टोलिनै बनाएर लागेको र जसरी भएपनि भदौको सरुवाबाट बीसौं लाख असुल्ने अभियानमा रहेको एक कर्मचारीले बताए । ती कर्मचारीका अनुसार झाले मन्त्री र सचिवलाई समेत हात लिएर काम गर्ने तयारी गरिरहेका छन् ।
सरुवाका निम्ति टोलिनै बनाएर लुट धन्धा चलाउन लागेका झाले मालदार नापी शाखामा जानेहरुको सूचि तयार पारेको र कमाइको हिसाबले कम्तीमा एक लाख देखि दुई लाखसम्म असुल्ने योजना बनाई रहेका छन् । नक्कली नागरिकता बनाई जन्म मिति सच्याएर जागिर खाईरहेको उजुरी अहिले पनि अख्तियारमा बिचाराधिन छ ।