काठमाडौँ श्रावण १४, अख्तियार दुरुपयोग अनुसन्धान आयोगले नक्कली शैक्षिक योग्यताको प्रमाणपत्र पेस गरी नेपाल संस्कृत विश्वविद्यालयमा हेड असिस्टेन्ट पदमा 
कार्यरत इन्दिरा शर्माविरुद्ध विशेष अदालतमा मुद्दा दायर गरेको छ ।
आयोगले सो पदमा सेवा सुरु गर्दा पेस गरेको विहार इन्टरमिडियट शिक्षा परिषद् पटनाबाट प्रवीणता प्रमाणपत्र तहको प्रमाणपत्र नक्कली रहेको पाइएकाले मुद्दा दायर गरिएको आज जारी विज्ञप्तिमा उल्लेख गरिएको छ । निजलाइ भ्रष्टाचार निवारण ऐन, २०१७ को दफा १२ र प्रचलित भ्रष्टाचार निवारण ऐन, २०५९ को दफा १६ बमोजिम हदैसम्मको कारबाहीको माग गरिएको आयोगले जनाएको छ ।
