काठमाडौं श्रावण ८, क्यान्सरको उपचार गराएर मंगलबार स्वदेश फर्किएका प्रधानमन्त्री सुशील कोइरालालाइ उपचारका क्रममा रेडियोथेरापी दिएको कारण अझै केही दिन आराम गर्न चिकित्सकले केही दिन आराम गर्न सल्लाह दिएको बुझिएको छ । उपचार लगत्तै भेटघाट र दौड धुप गर्दाइन्फेक्सन भई रोग बल्झिन सक्ने भन्दै उनिहरुले यस्तो परामश दिएको बुझिएको छ ।
आराम गर्नुपर्ने भएकैले प्रधानमन्त्री सुशील कोइराला स्वदेश फर्किए लगत्तै हुने भनिएको २६ सभासदको मनोनयन लगायतका महत्वपूर्ण राजनीतिक गतिरोध, बढुवा लगायतका विषयहरु स्वभाविकरुपमा प्रभावित हुने भएका छन । त्यस्तै मन्त्रिपरिषदको आज बस्ने नियमित बैठकसमेत यसपल्ट नहुने भएको छ । बैठक अझै केही दिन नबस्ने बालुवाटार स्रोतले जनाएको छ । । मन्त्रिपरिषद् बैठक नबस्दा लामो समयदेखि थाती रहेका ७ डीआईजीको एआईजीमा बढुवा, राजदूत नियुक्ति, ७ सचिवको पदोन्नतिजस्ता निर्णय पछाडि धकेलिने भएको छ । सात सचिवको बढुवा नहुँदै बिहीबारदेखि थप १२ मन्त्रालय र निकाय प्रशासनिक नेतृत्वविहीन हुँदैछन् ।